Tosu desalojatu egin dute

Kaixo lagunok!

Jakingo duzuenez, gaur, Getxoko Tosuko akanpada desalojatu egin dute. Donostialdeko Okupazio Bulegotik gure elkartasun guztia adierazi nahi degu eta animo guztiak datozen egunentzako, Tosuko kideek esan duten bezela partida ez baita bukatu.

Kanpaldia San Nikolas/Txiki eta Otaegira mugitu da eta jendea hurbiltzen ari da gaua pasatzeko. Urriak 18an manifestazioa egongo da 20:00tan San Nikolas/Txiki eta Otaegitik eta zapatuan 21 manifestazioa eta kontzertua 12:30tan Telletxetik.

Hemendik denok animatzen zaituztegu parte hartzera.

Espekulazioaren kontra lurra defenda dezagun!

TOSU BETIRAKO

Ibarbengoako Parkingari EZ

tosu

Advertisements

Tosuko desalojo notifikazioaren harira

Kaixo lagunok:
Batzuek jakingo duzuenez, pasa den astean, ekainak 5, Eusko jaurlaritzaren desalojo agindua helarazi ziguten Tosura, gaurtik hasita 8 egun erabilgarriren epea emanez landa hustutzeko. Erantsita doakizuen desalojo agindu honen inguruan pare bat komentario egin gura ditugu.

Lehenik eta behin, orain arte egindako borrokak obrak atzeratu dituela onartzen duela azpimarratu gura dugu, honek orain arte isiotutako alarmak zentzudunak izan direla frogatzen baitu. 2014ko akanpadan gelditu ziren desjabetzeak eta aurtengo akanpada (“asentamiento” testuan) aipatzen dira, besteak-beste.

Bigarrenik, Tosu zenbait pertsonaren bizilekua dela, eta horietariko batek errolda txartela daukala, jakinarazi gura dugu. Beraz, epaile-agindu barik, landa daukagun egurrezko etxera sartu, edota hau eraitsiko balute, ilegalitate larrian eroriko lirateke. Gainera Eusko jaurlaritzari hauxe bera jakinarazi diogu eskutitz bidez.

Bestalde, parking faraoniko honen, eta ostean datorren Andra Mariren urbanizazioaren kontra egoten jarraitzen dugula adierazteko, ekainak 16an 20:30etan San Nikolas/Txiki Otaegi plazan, kontzentrazio batera dei egiten dugu.

Tosun egin gura dutena Parking bat baino gehiago da. Getxon eta Euskal Herrian EAJk inposatu gura digun ereduaren beste pieza bat da, Getxo Antzokia eta Romoko kultur etxea lez Getxon, edo Errekaleor, Errauztegia eta Baztaneko Aroztegia Euskal Herri mailan.

Porlan ustela ala ortu biziak? Guk argi daukagu

Bizitza da handiena!

Hemen dago dokumentua: https://www.boe.es/boe_n/dias/2017/06/05/not.php?id=BOE-N-2017-333113

Hemen Tosuko blogaren linka: https://tosubetirako.wordpress.com/2017/06/06/desalojo-notifikazioaren-hariraal-hilo-de-la-notificacion-del-desalojo/

Okupazio Bulegoko berriak: +Txandak berriz hasiak ditugu +Atzoko desalojoa Donostian +Okupazio Jardunaldiak

berriaJakinean utzi nahi zaituztegu okupazio bulegoko txandak berriz hasi ditugula!

Aurten, bi txanda hilabetean egingo ditugu.
Okupazio bulegoko txanden egunak:
(*Urriak 18, asteartea, 18:00-20:00, Kaxildan*)
Hurrengoak:
*Azaroak 8,asteartea, 18:00-20:00, Kaxildan *

*Azaroak 22,asteartea, 18:00-20:00, Kaxildan*

*Abenduak 13,asteartea, 18:00-20:00, Kaxildan*

*Abenduak 20,asteartea, 18:00-20:00, Kaxildan*

Ez duda beraz, egun hauetan gure ikustera pasatzea!
Ta txanden artean hitzorduren bat nahi baduzue, ez duda email bat idaztea.

———————————————————————
Bestalde, jakin Donostiako udalak berriro goia jo duela, hasi diren hotzekin atzo desalojo berri bati ekin diote: 27 pertsona kaleratuz!
“2016an ere, Donostian hotza egiten hasi da. Udalak erantzun kultoa eman
dio honi: Atzo, 27 pertsona etxe gabe utzi zituen udaltzaingoak, 6 CIE
batera sartu eta 3 Adingabentzako zentro batera.”

Zabaldu berri hau, interneten eta kalean, eta jendeak jakin dadila!
http://www.diariovasco.com/san-sebastian/201611/03/operacion-policial-bartolome-20161103003241-v.html
———————————————————————-

Ta ez ahaztu larunbateko jardunaldiak!
Larunbatean okupazio jardunaldien eguna Letaman gaztetxean
Intxaurrondon: 11etatik gauerarte!

11:00- Legea aberatsak babesteko
14:00- BAZKARIA (izen emaiteak: intxaurrondokogazteak@gmail.com)
16:00- Ireki, argitu eta ureztatu
18:00- Itxiera antzerkia
20:00- Kontzertuak

Egun osoko jardunaldia antolatu da tailerrak goizetik hasiz, kontzertuekin amaituko dena.
Bertan okupazio gidatxoak zabalduko dira ere.

———————————————————————-

Kortxoenea hustu eta eraitsi dute. Gure ametsak eta bizitzak ez dira desalojatzen

Goizeko 7:50ak aldera esnatu gara Kortxoeneako lagunek deituta. 50 bat enkaputxatuek Gaztetxean sartu eta atera dituzte erresistentzian zeuden lagunak. Geroago, Ertzaintzak lagunduta, Kortxoenea hesitu eta makinak sartu eraispena burutzeko.

Hiru lagun erresistente teilatura igo dira eta Ertzainak bortizki bota dituzte. Bizilagun asko bildu dira Gaztetxearen inguruan eta eserialdiak egin dira. Ategorrieta Hiribidea moztu egin da ere protesta, amorru eta ezadostasuna adieraziz.

Donostialdeko Okupazio Bulegotik gure elkartasun osoa Kortxoenea Gaztetxearekin eta bere lagunekin. Justifikaezina iruiditzen zaigu kapitalaren legea, herri autoantolatuari lapurtzen babesten duena, amankomuna dena suntsitzen bultzatzen duena.

Gaur arratsaldeko 17tan Manifestazioa deitu dute Kortxoenea Gaztetxetik, deialdiari gure atxikimendua ematen dugu. Zatoz Kortxoenea eta gune autogestionatuak defendatzera!

Kortxoenea Bizirik! Bakarrik ezin da, lagunekin bai!

CS4VMvVWUAAWYWY

Prentsan argitaratutako hainbat artikulu:

http://www.berria.eus/albisteak/116330/donostiako_kortxoenea_gaztetxea_eraisten_ari_dira.htm

http://www.argia.eus/albistea/kortxoenea-gaztetxea-hustu-dute-astelehen-gauean

http://www.naiz.eus/eu/actualidad/noticia/20151103/kortxoenea-gaztetxea-hustu-du-poliziak
Jarraitu azken ordukoa twiterren #KortxoeneaBizirik @kortxoenea

[Donostia] Donostialdeko Okupazio Bulegoaren oharra Kortxoenea eraispen eta desalojo ilegala saiakera dela eta

Donostiako auzo eta biztanleei:

Kortxoenea eraispen eta desalojo ilegala saiakera dela eta Donostialdeko Okupazio Bulegotik gure elkartasun osoa adierazi nahi diogu Kortxoeneako gaztetxeari eta bere lagunei.

Atzo konprobatu genuen zein den Udal Gobernu berriaren jarrera hiriko gune autogestionatuen aurrean. Abisurik gabe, haien legearen gainetik, desalojo ilegala eta segurtasun neurririk gabeko eraispena onartuz. Udal Gobernu berriarentzat Donostiako hiriak espekulatzaileentzat izan behar du. Haien hiri eredua da, espekulatzaile, itxurazale eta kultura herrikoiaren ukazioa zutabe dituena. Eta horren aurrean ez gara geldirik geratuko.

Horregatik, hiriko gune okupatu eta autogestionatuaren aurkako eraso honen aurka eta erresistentzia sarea indartzeko asmoz, deialdia egiten dugu hurrengo irailaren 12an, 17:30 Donostiako Bulebarretik aterako duen manifestazio nazionalera.

Bakarrik ezin duzu, lagunekin bai!

Gora Donostia autogestionatua!

COJB3jZWEAA0ztS

[ItxasGain] Asanbladaren komunikatua desalojoa dela eta

Ixas Gainen egoera hurrengoa da, gaur egun.

Martxoan Yeregik (jabetzak) demanda zibil bat jarri zuen Itxas Gainen aurka, auziaren eguna maiatzaren 19an finkatu zelarik. Azkenik, auzia sahiestearren, negoziaketa bat eraman dugu aurrera jabetzarekin, espazioa adostatutako epe edo egun batean uzteko.

areto-nagusia

Bide penaletik joan zen aurreko prozesu judizialean, udaran, jabea den enpresarekin negoziaketarik ez egiteko erabakia argi eta garbi hartu genuen, gure buru eta ideiekin koherenteak izateko forma bat bezala ikusita; espekulazioaren bitartez gure kontura aberastu nahi duten horiekin ez dagoela ezer hitz egiterik kontsideratu genuen,hain zuzen ere. Baina, oraingo honetan gure kontraesanei aurre egin behar izan diegu. Auzia ospatu eta galdu izan bagenu (nahiko ziurra), 23.000 euroko kostei aurre egin behar izango genieke, ezingo geniolarik eta ezin diogularik diru kopuru horri aurre egin eta honek egoera oso kritiko batean utziko gintuelarik jakinda.

itxas_gain
Baina negoziaketa honek bere kostea eduki du guretzat ere. Alde batetik, kaleraketa baten aurrean eman genezakeen erantzunaren inguruan pentsa arazi digu, baita erresistentzia bide desberdinak planteatzeak edukiko lukeen koherentzia faltaz ere, negoziaketa prozesu bat aurrera eraman dela jakinda. Beste aldetik, negoziaketa ere legalki oso mugaturik edo guztiz mugaturik uzten digu, izan ere,dena oso lotuta eta ildotua dago, erresistentziarik edo antzeko ekimenik izatekotan negoziaketa bertan bera uzteko, horrek kanpoan utziko gintuelarik berdin berdin, baina 23.000 euroko kosteei aurre egin behar izanda.

Hortaz, hau da gure egoera: Ekainaren 15ean Aldapeta 62 hutsik eta bizi gabe geldituko da berriz ere, jabeek subentzio publiko bat eskatu arte etxea behera botatzeko eta euren luxuzko etxe berriak eraikitzeko. Beraiek, pasatako urteetan xehetasunez antolatutako plangintzari aurre egiteko udaletxeko erantzunari itxaroten ari dioten bitartean.

100_0664

Baina, ordura arte Itxas Gain bizirik jarraituko du. Gainera, nahiz eta 23.000 euroak gainetik kendu izan, oraindik baditugu hainbat kostu ordaindu beharra eta denbora gutxi daukagu espazioa erabiltzeko eta egoerari aurre egiteko. Horregatik, danoi animatzen zaituztegu etortzera, parte hartzera eta bizirik mantentzera bertan egingo diren ekintzetan edo proposamen berriak ekarrita. Astelehenetan, arratsaldeko 19:00tan jarraitzen dira asanbladak egiten, eta hasitakoan bezain irekiak dira.

Espazio askeak zabaltzera!!

Okupazioa aurrera!!

Okupazioa amaitutzat jo dute Añorgan, auzoan bizitzeko nahia aldarrikatu eta gero

Cementos Rezolako lantegiko eraikin zaharra okupatu duten gazteek ekintza amaitutzat jo dute, Añorgan bizitzeko eskubidea lau haizetara aldarrikatu eta gero. “Gure kabuz ateratzea hobe genuen; bestela, eurak aginduarekin etorriko ziren, horrek dakarren ondorio penal eta administratiboekin”, adierazi dute eraikinetik atera bezain pronto.

Info7 egindako elkarrizketa