Mozal Legearen aurkako ekintzailea zauritua

Pasa den larunbatean, maiatzak 13an, Usurbilgo Euskotren geltokian, Mozal Legearen aurkako ekintza bat egiten ari zen bitartean, tren batek kide bat harrapatu zuen larriki zaurituz.

Donostialdeko Okupazio Bulegotik, gure elkartasun guztia erakutsi nahi dugu kidearekin eta hemendik gure besarkadarik beroena bidaltzen diogu. Espero dugu laster gure artean egotea berriz.

Beste aldetik, ekintzaren zilegitasuna aldarrikatu nahi dugu. Egunero zapaltzen gaituztenean, zapaltzen gaituzten legeen kontra borrokatzea zilegi eta beharrezkoa da. Beraz, tinko esan nahi dugu GUK ERE EGINGO GENUKEELA.

gukere.jpg

Adi egon!! Maiatzean Txantxarrekara mugituko gara!!

Kaixo lagunok!

Maiatzean Donostialdeko Okupazio Bulegoa lekuz aldatuko da! Aukeratu dugun lekua Txantxarreka Gaztetxea da, Donostiako Antiguako auzoan (Heriz Pasealekua, 22).

Hemen uzten dizkizuegu maiatzean egingo ditugun txandak:

Maiatzak 9,  asteartea, 18:00 – 20:00: Txantxarreka Gaztetxea

Maiatzak 23,  asteartea, 18:00 – 20:00: Txantxarreka Gaztetxea

Leku berria, ohitura berak! Beraz, behar izanez gero pasa zaitez Txantxarrekatik gurekin hitz egitera. Eta ezin bazara gerturatu txandetan, edo txanden arteko hitzordua nahi baduzu, idatziguzu email bat eta kontaiguzu! 🙂

 

Apirilaren egutegia

Kaixo lagunok!

Hemen uzten dizkizuegu apirilean egingo ditugun txandak:

Apirilak 11,  asteartea, 18:00 – 20:00: Kaxildan

Apirilak 25  asteartea, 18:00 – 20:00: Kaxildan

Beti bezela, behar izanez gero pasa zaitez Kaxildatik gurekin hitz egitera. Eta ezin bazara gerturatu txandetan, edo txanden arteko hitzordua nahi baduzu, idatziguzu email bat eta kontaiguzu! 🙂

Martxoaren egutegia

Kaixo lagunok!

Hemen uzten dizkizuegu martxoan egingo ditugun txandak:

Martxoak 14,  asteartea, 18:00 – 20:00: Kaxildan

Martxoak 28  asteartea, 18:00 – 20:00: Kaxildan

Beti bezela, behar izanez gero pasa zaitez Kaxildatik gurekin hitz egitera. Eta ezin bazara gerturatu txandetan, edo txanden arteko hitzordua nahi baduzu, idatziguzu email bat eta kontaiguzu! 🙂

 

Donostiaren bihotzean okupaturiko etxea hutsarazi du Poliziak

Egun batzuk zeramatzaten hainbat gaztek hiriaren erdigunean dagoen etxebizitzan bizitzen, eta udaltzain eta ertzainek ilegalki eta era bortitzean atera dituzte gazteak barrutik.

Donostiako erdigunean dagoen Moraza kaleko lehen zenbakiko etxebizitza bat okupatu zuten hainbat gaztek duela egun batzuk, eta gaur egin dute publiko okupazioa. Beste gazte ugari hurbildu dira goizean auzolanarekin laguntzera, eta taldetan banatuta ekin diote etxebizitza atontzeari: batzuek garbiketan, beste batzuek bizilagunekin harremanak eginez…

Udaltzainak berehala etorri dira, ordea, eta Moraza kalea inguratu eta itxi egin dute. Ertzaintzaren laguntzarekin eraikineko kandaua hautsi eta etxebizitzara sartu dira, gazteak bortizki ateratzera. Gazteek salatu dutenez, epailearen agindurik gabe sartu dira etxean, beraz, ilegalki.

Iruzurgileen etxea, kapitalaren hirian

“Juan Ramon Reparaz eta Luis de Miguel bezalako iruzurgile fiskal kondenatu ezagunak” dira etxearen jabeak, gazteek salatu dutenez. Gurtel eta Panama bezalako auzietan korapilatuak daude jabeak, eta, jakinarazi dutenez, gehiengoaren jabe den Reparazek milioika euroko zorra du Gipuzkoako Foru Aldundiarekin.

Donostiako etxebizitzaren egoera tamalgarria ere salatu dute gazteek. Izan ere, estimazio txikienera jota 6.904 etxe leudeke hutsik, eta bitartean, gazteak etxerik gabe: “Etxe hauen jabetza pertsonen aurretik kokatzen den hiri honetan milaka gazte gara zabor-lanera, kalean bizitzera, inoiz ez emantzipatzera edo osasungarriak ez diren harremanak mantentzera behartuta biziraun dugunok”. Etxebizitzaren alde borrokan jarraitzeko deia egin dute.

 

http://topatu.eus/edukia/donostiaren-bihotzean-okupaturiko-etxea-hutsarazi-du-poliziak

Gaurko desalojoa salatzeko kontzentrazioa 20:00etan Moraza kalean bertan, ZABALDU DEIALDIA!