Kortxoenea Bizirik: BATZAR IREKIA, BIHAR azaroak 9, 19tan Nafarroa Behera Plazan

Atzo Kortxoenea eta Gune autogestionatuen aldeko manifestazioaren amaieran batzar batera deitu zuten biharko (astelehena, azaroak 9); Nafarroa Beherea plazan arratsaldeko 19tan.

Gros auzoko herritar guztiak deitu dituzte batzarrera, eta autogestioaren aldeko eragileak.

p015_f01

Donostialdeko Okupazio Bulegotik ezinbestekotzat jotzen dugu bilera horretan parte hartze zuzena okupazio, autogestio eta haien defentsan errepresioa pairatzen dutenen alde lan egiteko.

Bakarrik ezin da, lagunekin bai! Zaindu maite duzun hori!

Advertisements

Kortxoenea hustu eta eraitsi dute. Gure ametsak eta bizitzak ez dira desalojatzen

Goizeko 7:50ak aldera esnatu gara Kortxoeneako lagunek deituta. 50 bat enkaputxatuek Gaztetxean sartu eta atera dituzte erresistentzian zeuden lagunak. Geroago, Ertzaintzak lagunduta, Kortxoenea hesitu eta makinak sartu eraispena burutzeko.

Hiru lagun erresistente teilatura igo dira eta Ertzainak bortizki bota dituzte. Bizilagun asko bildu dira Gaztetxearen inguruan eta eserialdiak egin dira. Ategorrieta Hiribidea moztu egin da ere protesta, amorru eta ezadostasuna adieraziz.

Donostialdeko Okupazio Bulegotik gure elkartasun osoa Kortxoenea Gaztetxearekin eta bere lagunekin. Justifikaezina iruiditzen zaigu kapitalaren legea, herri autoantolatuari lapurtzen babesten duena, amankomuna dena suntsitzen bultzatzen duena.

Gaur arratsaldeko 17tan Manifestazioa deitu dute Kortxoenea Gaztetxetik, deialdiari gure atxikimendua ematen dugu. Zatoz Kortxoenea eta gune autogestionatuak defendatzera!

Kortxoenea Bizirik! Bakarrik ezin da, lagunekin bai!

CS4VMvVWUAAWYWY

Prentsan argitaratutako hainbat artikulu:

http://www.berria.eus/albisteak/116330/donostiako_kortxoenea_gaztetxea_eraisten_ari_dira.htm

http://www.argia.eus/albistea/kortxoenea-gaztetxea-hustu-dute-astelehen-gauean

http://www.naiz.eus/eu/actualidad/noticia/20151103/kortxoenea-gaztetxea-hustu-du-poliziak
Jarraitu azken ordukoa twiterren #KortxoeneaBizirik @kortxoenea